Ég vil byrja á að taka fram að mér þótti mjög gaman að sjá hellinn. Hafði komið fyrir löngu í Surtshelli og fannst gaman að sjá Víðgelmi í fyrsta sinn og læra meira um jarðfræði. Starfsfólkið var mjög almennilegt, vel að sér í jarðfræði og ferðin skemmtileg. Byggt á þessu gef ég þessari hellaskoðunarferð góða einkunn. Það var samt eitt sem angraði mig og mér þótti raunar mjög dapurlegt. Við erum stödd á Íslandi en það hefði mátt halda að við værum í Bandaríkjunum. Það er búið að endurskýra Víðgelmi "The Cave"! Það er greinilegt að þegar unnið var að markaðssetningunni var ákveðið að setja hið eldgamla nafn Víðgelmi til hliðar og maður var boðinn velkominn í "The Cave". Það hefur hingað til ekki verið nein þörf á því að endurskýra staði sem erlendir ferðamenn heimsækja Íslandi, svo sem Þingvelli, Landmannalaugar og svo mætti lengi telja. Samtímis því sem hellirinn er heiðraður með glæsilegri aðstöðu er hann sviptur nafni sem má rekja mörg hundruð ár aftur í tímann. Það er mótsögn í þessu. Ég held að það sé misskilningur að það þurfi að gera þessa nafnabreytingu til að laða erlenda ferðamenn að. Þar fyrir utan var allt efni í móttökumiðstöðinni á ensku og jafnframt er allt kynningarefni, bæði bæklingar á ferðamannastöðum og efni á netinu á ensku, allt nema einn mjög stuttur texti undir skematískri mynd af hellinum. Leiðsöguferðin var á ensku og maður verður reyndar að fyrirgefa það þar sem 80-90% gestanna í hópnum voru útlendingar. Leiðsögumaðurinn, hún Megan, var mjög skemmtileg og mjög vel að sér í jarðfræði og útskýrði jarðfræðifyrirbærin vel. En það vantaði upp á það að ensku jarðfræðiheitin væru nefnd á íslensku líka. Margir Íslendingar þekkja íslensk heiti á jarðfræðifyrirbærum og það er nauðsynlegt að maður tengi við þessa þekkingu. Sem sagt, þó að skoðunarferðin væri skemmtileg og lærdómsrík þá varð hún líka táknræn fyrir hnignun íslenskunnar sem er allt í einu orðin einhvers konar afgangstungumál. Ferðin hafði þar af leiðandi sérkennilegt dapurlegt yfirbragð. Ég geri ráð fyrir því að aðstandendur Víðgelmis hafi ekki séð fyrir þessi neikvæðu aukaáhrif og þeir ættu þess vegna að hugsa sinn gang, þó ekki væri nema með tilliti til markaðssetningar meðal Íslendinga. Til betrumbóta vil ég mæla með eftirfarandi: - Horfið verði frá því að nota "The Cave" og hellirinn kynntur sínu rétta nafni, Víðgelmi. Nafnið "The Cave" gerir ekkert annað en að veita staðnum yfirbragð túristagildru og það er misskilningur að þessi glæsilegi hellir þurfi á lummulegi ensku nafni að halda til að laða ferðamenn að. - Allt kynningarefni verði líka á íslensku. - Kannað verði hvort grundvöllur sé fyrir því að hafa eina ferð á dag á íslensku svo að Íslendingar og ekki síst íslensk börn geti notið þess að koma í hellaskoðunarferð hjá ykkur. - Í enskum kynnisferðum verði íslensk jarðfræðiheiti nefnd líka.

Dette var vår tredje guidet grotte tur, og definitivt den beste! Anbefales på det sterkeste. Det var lett å gå glipp av avkjørselen, men ellers godt skiltet. Vi var heldige og fikk en privat tur i grotten, da vi bare var to som skulle ned i grotten på det klokkeslettet. Guiden var super!