I FRILUFTSMUSEET viser vi bu- og levemåte på ein gard, ein støl og ein husmannsplass i Sunnfjord midt på 1800-talet. Bygningane representerer eit tidsspenn i byggeskikk frå 1500 til slutten av 1800-talet. I hovudbygningen er det rom for skiftande kulturhistoriske UTSTILLINGAR. Fire av dei antikvariske husa er SELSKAPSLOKALE og kan nyttast for møte, konfirmasjonar, åremålsdagar, firmafestar, bryllaup etc. Museet tilbyr også ulike FORMIDLINGSTILBUD til skular og barnehagar som kan kombinerast med spel og leik i tunet og turstiane. I URTEHAGEN syner vi plantar som har vore nytta i Sunnfjord til krydder, medisinsk bruk og farging. Langs kulturstiane MOSTIEN og DYRELØYPA er det kulturminne og informasjon om lokale natur- og kulturforhold. Dei høver for både born og vaksne. Velkomen til museet, anten du søker kunnskap eller berre treng ei avslappa stund i det vakre uteområdet vårt!