Gjennom minst 700 år har den gamle ærverdige garden, Sygard Grytting, i periodar tilbydt nattely for faste- og vegfarande gjester langs hovudvegen Oslo - Nidaros. I det alderdommelege tømra tunet, som kan gje assosiasjonar til kongsgarden i eventyret, tilbyr vi i dag eksklusiv historisk overnatting med måltider og opplevingar av to historiske epokar: Mellomalderherberge frå omkring 1300 og historisk hotell i gardens originale tømra storgardsbygningar frå 1650-1860. Karstugu (drengstua), fungerer som suite under hotellet, og har også fullt utstyrt kjøkken. Karstugu (drengestua) vert leigd ut som suite med disponibel innvendig buflate på 60 m2. Her kan ein vera for seg sjølv, fyre på den store gråsteinspeisen, sove i skapsenger - og om ein ønskjer det, lage sin eigen mat. Utanom sommarferien vert ”hotellet” hovudsakleg brukt til lukka møte og representasjonar, der festsalen ”høgstugu” er møterom. I ei bok frå 1996 om historiske norske trehotell står: ”I dag er Sygard Grytting et av landets vakreste og mest særpregede småhoteller” ”Nå til dags er det få garder igjen i Gudbrandsdalen der så mange av de gamle husene fremdeles står, og dessuten er så godt bevart og pietetsfullt istandsatt som her”