HEILE ÅRET Valdres Folkemuseum ligg i gangavstand frå Fagernes sentrum, på Storøya ved Strøndafjorden, og vart grunnlagt i 1901. I Velkomstbygget finn du utstillingar og ein fin museumsbutikk. Satsingsområda er bygningsvern, bunad og folkemusikk. SOMMAR PÅ MUSEET Omvising på mange språk, minikonsertar, utstillingar, film, folkekunst, historiske leikar, museumsrebus, naturstig, dyr på beite, antikvariske hus, instrumentverkstad og museumskafé. Handverkarar, budeier, bakstekjerringar og slåttekarar bidreg elles til ei god museumsoppleving, saman med dyra som beitar på stølsområdet. LUNSJ, MIDDAG ELLER EIN KAFFIKOPP? I museumskafeen møter du eit hyggeleg og imøtekommande vertskap med lang erfaring innan matfaget. Kafeen er godt rusta for å ta seg av store og små grupper. Museumskafeen held ope heile året. INSTRUMENTVERKSTADEN Ved Valdres Folkemuseum bygger og reparerer vi folkemusikkinstrument. Slik er vi med på å vidareføre gamle norske handverkstradisjonar. Ope alle kvardagar. LANGELEIKSUTSTILLINGA I sentrum for utstillinga står ein 400 år gamal langeleik frå ei privat samling på Gjøvik, i tillegg til 37 andre instrument frå privatpersonar og offentlege samlingar. Målet med utstillinga er å presentere det rike og mangfaldige langeleikmaterialet, og den som meiner å vite korleis ein langeleik ser ut, vil nok få seg eit overraskande møte med det gamle instrumentet. Her er dekorelement som akantusrankar, fiskar, revar, dansarar og kyrkjespir. OM VALDRESMUSEA Valdresmusea er kjernemuseum i Noreg i arbeidet med levende folkekultur og immateriell kulturarv. Satsingsområda er bygningsvern, folkemusikk, instrumentproduksjon, bunad- og tekstilhandverk. Ved Valdresmusea kan du òg søkje kunnskap om landbruk, støling og tradisjonell matkultur. Valdresmusea omfattar tre museumsavdelingar og eit gravfelt, og forvaltar viktige historiske verdiar. 120 hus, 27 000 gjenstandar og 150 000 foto utgjer den kulturhistoriske samlinga og legg grunnlaget for kunnskap og refleksjon om Valdres i gamal tid.

Valdres Turistkontor på Fagernes gir deg nyttig informasjon om aktiviteter, arrangementer, transport, overnatting, etc. for både Valdres og nærliggende områder. Mulighet for lån av datamaskin med gratis internett. Sykkelutleie. Åpningstider 2011 Sommer (25.06 - 21.08): Mandag - fredag: kl 08.00 - 18.00 Lørdag: kl 10.00 - 18.00 Søndag: kl 10.00 - 16.00 Resten av året: Mandag - fredag: kl 08.30 - 16.00