Turen startar frå Åkra der du kjører oppover den bratte skogsvegen like til fjells. Der ventar Trygve og hjelparane hans med hestane. Maten blir hengd i kløven, og så vandrar me innover stien der budeier og gjetargutar har gått hundrevis av år før oss. Turen på eit par kilometer er lett å gå, og dei som vil, får prøva å ri eit stykke. Snart ser me Vikastølen i skråninga ned mot fjellvatnet. Hestane blir sleppte på beite, og rømmegraut med spekemat, kaffi og lefser kjem på bordet i stølshuset. (Barnemeny). Store og små kan bada, fiska, prøva hesteryggen og berre nyta dagen i fjellet. Utsikta på kjøreturen ned igjen, og båtturen tilbake er ei flott avslutning på ein dag heilt utanom det vanlege. Hugs: Jogge-/fjellsko/støvlar, klær etter véret, evt. badetøy eller fiskesaker og kamera. Påmelding: dagen før 14.00