Ég varð fyrir því láni að fá að fylgja kærustunni minni í þennan rúnt um Reykjavík þar sem fólki gefst tækifæri á að smakka á hinum ýmsu kræsingum í borginni. Við hittumst í Hörpu þar sem hin afar viðkunnanlega Bára tók á móti okkur og kynnti fyrir okkur hvað væri í vændum. Ég var eini Íslendingurinn í hópnum, en það sakaði ekki og ég naut mín að fá að upplifa að vera ferðamaður í minni eigin borg. Það var mjög fjölbreyttur matur í boði og allir réttir voru bragðgóðir og vandaðir. Það er hreint út sagt magnað hvað matarsenan hérna er orðin flott! Sveitaskyrið á Júlía og Júlía og kjötið í Ostabúðinni stóðu upp úr að mínu mati. Bára var einnig fær leiðsögumaður og full af alls kyns fróðleik sem poppaði upp á upplifunina. Ég mæli hiklaust með því að sælkerar Íslands geri sér glaðan dag og upplifi sívaxandi matarsenuna í Reykjavík. Verandi heimamaður á heimavelli þá rann það upp fyrir mér að ég hreinlega vissi ekki nægilega mikið um hana.