Við hjónin gistum þarna tvær nætur og óhætt er að segja að hótelið og umhverfið allt hafi staðið undir væntingum. Veitingahús hótelsins, Sunna, frábært, starfsfólkið liðlegt og herbergin flott. Auðvitað hjálpaði að veðrið lék við Siglfirðinga þessa daga.
Takk fyrir okkur.

Við hjónin gistum á Sigló Hotel frá föstudegi til sunnudags og áttum frábæra helgi á Siglufirði. Hótelið er frábært í alla staði, þjónustan góð og fagfólk hvar í sérhverjum þjónustuþætti..... í mat, drykk og í gistingunni. Við fórum ekki neitt út fyrir Siglufjörð enda nóg skemmtilegt að gera á Siglufirði: þjónusta á hótelinu, verslanir í bænum, söfnin, veitingastaðir og bjórverksmiðja.......... og síðast en ekki síst fallegt umhverfi og skemmtilegt mannlíf. Það er hverrar krónu virði að fara til Siglufjarðar og gista á Hótel Sigló. Okkur finnst hótelið vera í algjörum sérflokki á Íslandi út frá svo mörgum þáttum.

Þetta hótel er frábært :-) það er fallegt, hreint, vel staðsett, með fallegu útsýni og það sem ekki er verra þjónustan er frábær. Hér starfar fólk sem kann þjónustu. Auk þess er kokkurinn meistarakokkur. Maturinn var ljúffengur og gerður úr fyrsta flokks hráefni auk þess sem hann var fallega fram reiddur. Mæli svo sannarlega með þessu hóteli og mun vonandi gista á því aftur.