Bratt turløype til toppen sv Hafstadfjellet. Fint tillaga med benker, skilt og utkiksplassar. Flott utsikt på toppen ved Hafstadsendaren.

Dette er utfordringen alle tilreisande og fastbuande må ta seg tid til å teste. Alle kan gjennomføre dette, sjølv om løypa er bratt. Kan gåast heile året med rett utstyr. Du går mot ei panoramautsikt på toppen av Hafstadfjellet, der du ser heile Førde, samt toppane rundt Førde og ein stor del av Førdefjorden.

Hafstadkleiva startar midt i Førde sentrum, så den er lett å finne. Dei 180 trappetrinna gjev ein peikepinn om at løypa er bratt, og trappa eller neste kvileplass kan vere ein lang nok tur for dei som er utrente, eller berre ønskjer utsikt over Førde og næraste omland. Vidare oppover er det grusveg, og det er godt å gå, bortsett frå ein del laus grus. Utsikten blir gradvis flottare når du er komen oppom tregrensa, og på toppen har du panoramautsikt til fleire kommunar. Det er lettare å gå opp enn ned pga den lause grusen, det er lett å miste fotfestet i dei brattaste partia. Du kan velje mellom fleire andre stiar ned att. Du kan kome ned til Bruland, eller gå ein av dei to stiane ned til Bekkjavatnet på Langeland. Då treng du kanskje å bli henta med bil, det er eit stykke å gå ned til sentrum. Viss du likevel ønskjer å gå, kan du følgje skogsvegen ned langs elva, så kjem du ned til Flatene skule. Hafstadkleiva er eit godt utgangspunkt for fine turar.