Hurra! Og tusen takk for superfin tilbakemelding. Vi er så glad for å høyre at du likte vår plantebaserte vikingplanke - og vi har faktisk no enda ein deilig plantebasert hummus-rett på menyen. Vi skal sørge for at kokkane mottar denne tilbakemeldinga også. Tusen takk!

Kjære gjest! Takk for tilbakemelding. Først og fremst; veldig kjekt å høyre at de likte maten og drikka hjå oss. Det vert laga med kjærleik!
Det er leit å høyre at de opplevde dårleg service under besøket. Kundeservice er vår høgste prioritet - vårt slagord er trass alt "we make people happy!". Vit at din tilbakemelding allereie er tatt opp internt slik at vi kan forbetre oss.

Ægir BryggeriPub er den travlaste spisestaden i mils omkrets, og svært mange gjester ynskjer å spise hjå oss i løpet av ein kveld. Etter år med erfaring ser vi at dei aller fleste gjestene våre er ferdige med måltidet etter ein god time, og difor har vi sett bordreservasjonar til 1,5 time. Vi nemner også for drop-in gjester at bordet er deira i halvannan time, men at ein sjølvsagt er hjarteleg velkomen i puben etter middag. Dei aller fleste ynskjer å oppleve atmosfæren rundt peisen etter måltidet, samstundes som vi kan ynskje fleire gjester velkomen til bords. Dette skal på ingen måte følast som eit press for dei som spiser hjå oss, og vi beklagar på det sterkaste at det gjorde opplevinga di hjå oss mindre bra.

Vi tek med oss tilbakemeldinga di vidare og jobbar kontinuerleg med forbetringar. Takk!

Kjære gjest - takk for tilbakemelding. Det er leit å høyre at du har hatt ei dårleg oppleving hjå oss. Kundeservice er vår høgste prioritet - vårt slagord er trass alt "we make people happy". I dette tilfellet har vi ikkje oppnådd dette - og det beklagar vi på det sterkaste! Vit at tilbakemeldinga di har blitt tatt opp med vårt team i bryggeripuben slik at vi kan forbetre oss og unngå liknande situasjonar i framtida.

Ægir BryggeriPub er den mest populære spisestaden i mils omkrets - og svært mange ynskjer å spise hjå oss og drikke Ægir-ølet der det først vart laga. Trass i at vi kun nyttar ein liten del av kapasiteten til bordreservasjon på førehand, fyller lista seg opp kvar kveld med folk som droppar innom for ein matbit. Dette gjer at vi diverre ikkje alltid kan tilby matservering til alle som ynskjer det. Vi er glad for at de likevel hadde ei hyggeleg oppleving hjå vår "søster" - Furukroa Kafè - som også serverer nydeleg mat og vårt smaksrike Ægir-øl!

Kjære gjest. Det er utruleg leit å høyre at de har hatt ei dårleg oppleving hjå oss, og vi beklagar på det sterkaste dersom de ikkje vart ivaretatt på beste måte. Kundeservice ER viktig for oss - faktisk noko av det vi fokuserer aller mest på - så vit at denne tilbakemeldinga allereie har blitt delt med vårt team for å forbetre oss. Vi beklagar også at vi ikkje kunne tilby dykk bord den aktuelle dagen. Vi er ein av dei mest populære spisestadene i mils omkrets, og har diverre ikkje høve til å ta imot alle som ynskjer å spise hjå oss. Kun ein liten del av kapasiteten er tilgjengeleg for førehandsreservasjon medan det aller meste er tilgjengeleg for "drop-in". Her opererer vi med ei venteliste der vi etter beste evne prøver å estimere ventetid, men vi kan aldri hundre prosent garantere bord då vi ikkje har full kontroll over kor mykje tid gjestene brukar på måltidet. Ventelista er absolutt ingen taktikk for å få gjester til å bruke meir pengar - heller eit forsøk på å innfri ønsket om å spise hjå oss for flest mogleg gjester.

Igjen så beklagar vi denne situasjonen, og vonar du vil gi oss enda ein sjanse ved eit seinare høve. Anbefalar å ta turen til Flåm om vinteren, då er det færre folk og enklare å få bord.