Mjög fallegt hótel og smekklegt. Frábær matur, bæði kvöld og morgun. Við þurftum að bæta við auka rúmi í eitt herbergið en það var virkilega óþægilegt og ekki gert ráð fyrir fullorðnum einstaklingi að sofa á þeirri dýnu. Ég talaði við móttökuna en þau tóku ekki undir þessa kvörtun og sögðust aldrei mæla með auka rúmi fyrir fullorðna manneskju þó að enginn hafi áður nefnt þetta við mig, hvorki þegar ég pantaði né þegar ég hringdi 3x aftur og ræddi við móttökustarfsmann fyrir komu okkar. Annað var til fyrirmyndar og allt erlenda starfsfólkið mjög professional og kurteist.

Frábært hótel, notalegt andrúmsloft, flott útsýni og maturinn frábær. Hef dvalið á hótelinu þrisvar og það er alltaf góð upplifun. Útsýnið er stórkostlegt til sjávar og fjalla. Maturinn svo fallegur en einnig sérstaklega ljúffengur og kemur alltaf á óvart. Frábær þjónusta, fumlaus. Mæli mikið með fyrir alla, hjón, hópa og fjölskyldur.

Magnað umhverfi þar sem Eyjafjallajökull og brimið á ströndinni takast á. Einstaklega fallegt hótel, vinarleg en á sama tíma fagleg þjónusta.
Herbergi falleg, vel uppsett og hrein.
Matur er afar góður og fallega framsettur